De lieu’werik

Wat sjteigert toch dae lieu'werik
Wie hoëg sjtek hae de kop.
't Is zeker gènne sjouwerik
Dao baove aan de top.
Hae klump, en sjpettert in de löch,
Kiek èns, wie hoëg hae sjteit.
Hae kreeg van 't fiës maar neet genóg.
Toet hae nao ônger geit.
Dit saort van doon, kiék ich 't nao
Dink ich, beej dit geplaog
aan wat hae zuk, dao baove dao
Maar det blief den mien vraog.
Wat zeker liek, hae würt gedréve
Door de ein of anger wèt.
Is die ôs onbekènd gebleve,
't Biës, krieg dao de weet van mèt.

Of zôel 't toet lös öm zien, ein fiës?
Ein bliédsjap öm 't laeve.
Kôs ich dit den liére van dit biës,
Mich is 't zoë neet gegaeve.

Dichter(s): Hary Denessen

Locatie: Coördinaten: (51.33184754777682, 6.119389088425717)

Taal: Limburgs, dialect van Tegelen

Initiatiefnemer: Culturele Raad Tegelen

Boek: Tegels blood

Naam invuller: Peter Zunneberg / Dorsoduro

Terug naar overzicht
Vind je dat er informatie over dit gedicht ontbreekt? Stuur een mail naar info@straatpoezie.nl met de titel en locatie van het gedicht en de aanvullende informatie.