Nij Stoatenziel

Nij Stoatenziel, doe bist mien end en mien begun,
Doe bist mien moan, en doe bist ook mien zun.
En bie leeg woater spaigelt Dollerd zich in t sliek,
Nij Stoatenziel, doar wil ik strunen achter diek, oh joa,
Nij Stoatenziel, doar wil ik strunen achter diek.

Vlak achter Drijbörg, in mien mooie polderlaand,
Ligstoe te dreumen in die gruine diekenraand.
En in november zai k de ganzen in heur vlucht,
Ze schrieven dien noam tegen de strakke blauwe lucht, oh joa,
Ze schrieven dien noam tegen de strakke blauwe lucht.

Nij Stoatenziel, veur wel de rust en roemte wil,
Doar stait het tij en sums de tied nog even stil.
En bie leeg woater spaigelt Dollerd zich in t sliek,
Nij Stoatenziel, doar wil ik strunen achter diek, oh joa,
Nij Stoatenziel, doar wil ik strunen achter diek.
Nij Stoatenziel... Nij Stoatenziel,
Nij Stoatenziel... Nij Stoatenziel.

Dichter(s): Ede Staal

Locatie: Nieuw Statenzijl 2, 9688 TN Drieborg, Nederland

Taal: Gronings

Relatie met locatie: 'Nij Stoatenziel' gaat over de woonplek (woonstee) van Ede Staal en gezin.

Opmerkingen of wetenswaardigheden: Ede Staal heeft met zijn gezin in een boerderij in Drieborg gewoond. Het lied 'Nij Stoatenziel' gaat over deze plek en over de weidsheid van het polderlandschap. Ede wist veel zeggingskracht in zijn teksten en muziek te leggen. Warm, eenvoudig, indrukwekkend mooi.

Meer info: https://nl.wikipedia.org/wiki/Ede_Staal

Naam invuller: Geke Haarlemmer

Terug naar overzicht
Vind je dat er informatie over dit gedicht ontbreekt? Stuur een mail naar info@straatpoezie.nl met de titel en locatie van het gedicht en de aanvullende informatie.