De stilte fan it Noarderleech
net oantaast stik natoer
Dêr 't de weagen mei it tij
de streamen folgje oer it Waad
Dêr 't bysûndere fegetaasje
troch fersilting weelderich bloeit
Dêr 't barsten yn e swiere klaai
in mozayk foarmje yn 'e grûn

Dêr men jinsels wer omfine kin
yn 'e skepping fan eartiids
Dêr 't bûnte kloften fûgels
harren wei sykje om te brieden
nij libben ûntstiet yn dyn skurte
Bliuw moai stik natoer
ferstik net troch fersmoarging
Bliuw sa asto bist