now is et al weer zeuven jaor,
dat wi’j in vrede leven.
en ieder jaor, de vierde mei,
dan daenken wi’j nog even
an oonze helden uut ‘t verzet,
die veur de vri’jhied vullen!
temeensen…dat was grif oons plan!
mar ‘t bleef meerstal bi’j: zullen!
et schient, wi’j bin mit oonze nood,
heur offers ók vergeten…
en ‘k vraoge mi’j mit schaemte of:
zol nederlaand nog weten?

‘daoromme gaon wi’j ok van ’t jaor
weer ‘n stille omgaank holen.
en gaon w’uut eerbied en uut daank
de hanen effen volen…
dan doen wi’j ‘t niet mit haat of wrok,
dat moe’n wi’j hiel goed weten!
wi’j holen dit gebruuk in zwang
opdat wi’j nooit vergeten…